1.1. Ішкі тәртіп ережесі еңбек, оқу және тәрбие процесін жүзеге асыруда қолданылатын, оқушылар мен мекемедегі басқа қызметкерлердің қарым-қатынастарын, іс-әрекетін анықтайтын негізгі нормативтік құжаттардың бірі болып табылады.

1.2. Қазақстан Республикасының «Білім туралы» Заңының 47-бабы 14-тармағына сәйкес лицей оқушылары осы ішкі тәртіп ережелерін сақтауға міндетті.

1.3. Қазақстан Республикасының «Білім туралы» Заңының 47-бабы 18-тармағының негізінде лицей оқушылары міндеттерін бұзғаны үшін тәртіптік шаралар осы ішкі ережелерде көзделгендей қолданылуы мүмкін.

1.4. Лицейдегі тәртіп мұғалімдердің, тәрбиешілердің және оқушылардың өзара азаматтық құқықтарына құрмет көрсетулері негізінде жүзеге асырылады. Оқушыларға психологиялық, моралдық қысым жасау және қол жұмсау сияқты жолдармен күш көсетуге тыйым салынады.

1.5. Лицейдің педагогикалық кеңесі алқалы нысандардың бірі болып табылады. Лицейдің педагогикалық кеңесі оқу-тәрбие жұмыстарын жоспарлайды және іске асырады.

1.6. Ішкі тәртіп ережесі әр оқу жылының басында педагогикалық кеңестің шешімімен бекітіледі. Қажет болған жағдайда өзгерістер мен толықтырулар енгізіледі.

2.1. Лицей қызметкерлерінің жұмыс уақыты
Лицей қызметкерлері үшін 6 күндік жұмыс аптасы белгіленеді.
Әкімшілік-басқарушылық және техникалық қызметкерлер үшін:

• жұмыс күні: дүйсенбі–жұма – 7 сағат;
• сенбі – 5 сағат;
• жексенбі – демалыс күні.

2.2. Әкімшілік-басқарушылық және техникалық қызметкерлердің жұмыс тәртібі

• Жұмыстың басталуы: 09:00
• Жұмыстың аяқталуы: 17:00, сенбі күні – 14:00
• Түскі үзіліс: 13:00–14:00, сенбі күні – үзіліссіз
• Жексенбі – демалыс күні

Лицейдің барлық қызметкерлері, ата-аналар және басқа да келушілер бақылау-өткізу пунктіндегі келу-кету журналында күнделікті тіркелуге міндетті.

2.2.1. Антитеррорлық қауіпсіздік талаптары
Лицейдің қауіпсіздігін қамтамасыз ету мақсатында:

• жеке басын куәландыратын құжатсыз, сондай-ақ бөгде жүгі бар адамдардың мекемеге тіркеусіз кіруіне тыйым салынады;
• ата-аналар мен бөгде тұлғалардың оқу ғимаратына еркін кіруі шектеледі;
• ғимаратқа кіру кәсіби күзет пен арнайы жабдықтар (турникет, металл детектор) арқылы жүзеге асырылады;
• шаншитын, кесетін, химиялық, жарылғыш немесе денсаулыққа қауіпті заттарды әкелуге қатаң тыйым салынады.

2.3. Оқушылардың оқу режимі
Оқушылар үшін 5 күндік оқу аптасы белгіленеді.
Сенбі күні:

• мұғалімдер кәсіптік, әдістемелік, шығармашылық жұмыстармен;
• олимпиадаларға дайындықпен;
• ата-аналармен іс-шаралар өткізумен айналысады.

Мұғалімдерге қатысты Ескерту:

1. Мұғалімінің киіну мәдениеті мен келбеті заманауи мұғалімнің сырт келбетіне сай болуы тиіс, мамандығына сай талғаммен киініп және классикалық киім үлгісін сақтау керек;
2. Мұғалім өзінің шаш үлгісі өзіне жарасымды, талғамды болғанын қадағалау керек;
3. Мұғалім сабақ уақытында оқушылардың түгел болуын қадағалап, себепсіз сыртқа шығармау керек;
4. Мұғалім себепсіз сабаққа кешікпеу, сабақ уақытында оқушыларды қараусыз қалдырмау керек;
5. Мұғалім өз пәніне, сыныбына қатысты құжаттарды, есептерді уақтылы тапсыру керек;
6. Мұғалім апталық жоспарын 1 апта бұрын лицей дирекорымен бекіту керек және апталық мерзімін әкімшілік рұқсатынсыз өзгертпеу керек;
7. Мұғалім күнделікті сабақ жоспарында жоспарланбаған видеороликтерді оқушыларға көрсетпеуі керек;
8. Мұғалімдер директордың оқу ісі жөніндегі орынбасары А.Көлпеноваға оқу процесіне қатысты жағдайларды міндетті түрде ескертуі керек; (ауырып калу, тағы басқа себептер)
9. Сабақ уақытында оқушыларды сыртқа жіберуге жауапты директордың бейінді ісі жөніндегі орынбасары Д.Алдаберген.
10. Сабақ біткеннен кейін оқушыларды сыртқа жіберуге жауапты директордың тәрбие ісі жөніндегі орынбасары Б.Қамидолла.
11. Жоғарыда айтылған тәртіп ережелерін сақтамаған жағдайда тәртіптік шара қолданылады. ( ескерту, сөгіс, қатаң сөгіс)

• Мұғалімнің жұмысының басталуы - сабақтың басталуына 15 минут бұрын.

Мұғалім таңертеңгі саптүзеуге бірінші сабақ болатын сыныппен бірге
қатысады.

• мұғалімдер кабинетті желдетіп, сабаққа дайындалу үшін сағат 08.00-ден 08.15-ке дейін.

- Үйден келетін оқушылардың лицей аумағына кіруі сағат 8.00;
- сапқа тұру, ұйымдастыру кезеңі сағат 08:10;
- сабақтың басталуы сағат 8.30;
Оқушыларды лицейдің кіре берісінде кезекші мұғалім және кезекші әкімшілік
қарсы алады.

2.4. Сабақтың соңында оқушылар кабинеттен шығады. Оқу процесі кезінде сынып жетекшілер,кезекші мұғалімдер қабаттарда, асханада,лицей аумағында кесте бойынша кезекшілік етеді және оқушылардың тәртіптерін қадағалайды, сонымен қатар оқушылардың тәртібіне, өміріне және денсаулығына жауап береді.

Кезекші мұғалімнің міндеттері

• Кезекшіліктің басталуы – 8:00
• Кезекшіліктің аяқталу уақыты – 17:00
• Оқу кабинеттерін аралап шығу, оқу процесіне дайындығын анықтау;
• Таңертеңгі саптүзеуді ұйымдастырып, оқушылардың сыртқы келбетін бақылап, негізгі тәртіп бойынша киінуін талап етеді. гигиеналық тазалықтарын тексеру, кері жағдайда сынып жетекшілерге хабарлап, ескерту жасайды;

Оқу процесі кезінде:

• сабаққа, үзіліске уақытында қоңырау берілуін қадағалайды;
• лицей оқушыларының сабаққаөатысуын жер кезінде журналға жазу арқылы өадағалайды
• сабаққа кешіккен оқушыларды, мұғалімдерді белгілейді;
• лицейде бөгде адамдардың жүрмеуін қадағалады
• асханада жеңіл тамақ және түскі ас кезінде кезекшілік атқарады;
• үзіліс кезінде өз кезекшілік орнында (қабатында) болады.

*Кезекшілікті қабылдау-өткізуді кезекші мұғалім (оқушылардың тәртіп
бұзу фактілері,мұғалімдердің, қызметкерлердің еңбек тәртібін бұзуы, мүлікке
зиян келтіру және т.б.) қажетті жазбаларды кезекшілік журналына жазып
жүргізеді.

2.5. 2021-2022 оқу жылының ұзақтығы 7-11 (12)- сыныптарда – 34 оқу аптасы.
Мейрам күндеріне түскен сабақтар оқу бағдарламасы мазмұнының кіріктірілуі
ескеріле отырып, қайталауға арналған сағаттар есебінен келесі жұмыс
күндеріне ауыстырылады.
2) оқу жылы ішіндегі каникул кезеңдері:
1. Күзгі каникул – 7 күн (2023 жылғы 30 қазан – 5 қараша аралығы),
2.Қысқы каникул – 10 күн (2023 жылғы 29 желтоқсан мен 2024 жылғы
7 қаңтарды қоса алғанда),
3.Көктемгі каникул – 11 күн (2024 жылғы 21-31 наурыз аралығында);


2.6. Лицейдегі оқу сабақтары лицейдің директорымен бекілген және директордың оқу ісі жөніндегі орынбасары тоқсанға дайындаған сабақ кестесіне сәйкес жүргізіледі.
2.7. Қорытынды аттестаттау, мемлекеттік емтихандар барысында консультациялар лицейдің директорымен бекітілген және директордың оқу ісі жөніндегі орынбасары дайындаған сабақ кестесіне сәйкес жүргізіледі.
2.8. Электронды оқу журналындағы бағаларды түзетуге рұқсат етілмейді. Егер бұл нұсқаулықты мұғалім бұзса, түсініктеме жазады, ескерту жасалады. Қайталанған жағдайда – сөгіс беріледі. Электронды оқу журналдарын толтыру және жүргізу Қазақстан Республикасы Білім және ғылым министрлігі бекіткен талаптарына сәйкес жүзеге асырылады.
2.9. Барлық мұғалімдер бағаны уақытылы электронды оқу журналына қоюы
керек.
2.10. Әр сыныптың электрондық журналы әр тоқсанның қорытындысы бойынша ақпараттық жүйеден жүктеледі және басып шығарылады, беттері бауланып, нөмірленіп, директордың қолы қойылып, мөр басылады,электронды журналдың жүргізілуін, сақталуын директордың оқу ісі жөніндегі орынбасары қадағалайды.
2.11. Оқушылар құрамына өзгертулер мен толықтырулар, атап айтқанда: оқушыларды қабылдау және шығару, тек директордың оқу ісі бойынша орынбасарының нұсқауы бойынша сынып жетекшілер тарапынан ғана жасалады.
2.12. Лицей әкімшілігінің рұқсатынсыз мұғалімдердің өзара келісімі бойынша сабақты алмастыруға қатаң тыйым салынады.
2.13. Лицей әкімшілігінің рұқсатынсыз оқушыларды түрлі іс-шараларға (жаттығуларға, жарыстарға т.б) жіберуге қатаң тыйым салынады.
2.14. Ата-аналар директордың немесе директордың оқу ісінің орынбасарының рұқсатынсыз сабаққа жіберілмейді.
2.15. Барлық сыныптың іс-шаралары директордың бекітілген жоспары бойынша өткізіледі. Жалпы лицейдегі іс-шараларды өткізу кезінде сынып жетекшілер болуы міндетті болып табылады. Басқа кезекші мұғалімдер, қызметкерлер – кесте бойынша.
2.16. Лицей оқушыларының мектеп формасы 7-11 сынып оқушылары бірыңғай классикалық мектеп формасын киеді. Ұлдардың сыртқы келбеті -классикалық үлгідегі қара көк түсті костюм шалбар, бір түсті ақкөйлек, қызылгалстук. (күнделікті біртүсті ақшыл көйлек, мереке күндері ақ түс) Оқушыларға діни киіммен мектепте жүруіне рұқсат етілмейді.
2.17. Оқушылар зертханалық практикалық және технология сабақтарда, киім үлгісін (егер арнайы киім қажет еткен жағдайда) қара түсті белдемше, халат киеді.
2.18. Кабинеттерді және тағайындалған аумақтарды жалпы тазалау әр айда 2 рет сенбі күні өткізіледі. Оны жүргізу жауапкершілігі шаруашылық меңгерушісіне жүктеледі.
2.19. Пән мұғалімдері оқу процесі кезінде кабинеттің тазалығын қадағалайды.
2.20. Күнделікті лицейдің ішкі тәртіп ережесінің орындалуын бақылау кезекші әкімшілікке жүктеледі.
2.21. Экскурсияларға,саяхаттарға, кинотеатрлар мен театрларға, көрмелерге оқушылармен бару және т.б., директордың бұйрығымен және қауіпсіздік ережесі және ЖЖЕ бойынша нұсқау бергеннен кейін ғана рұқсат етіледі.
2.22. Лицейде, сондай-ақ одан тыс жерлерде іс-шаралар өткізуде оқушылардың өмірі мен денсаулығына директордың бұйрығымен
тағайындалған мұғалім, тәрбиеші немесе лицейдің кез-келген қызметкері жауапты болып табылады.
2.23. Сабақ және кешкі сабаққа дайындық уақытында оқушыларға ұялы телефон,құлаққап, компьютер, ноутбук, нетбук және т.с.с. техникалық құралдарды қолдануға рұқсат етілмейді.
2.24. Оқушылар бағалы зат және бұйымдар, немесе көп мөлшерде ақша алып келмеуі тиіс. Жоғалған жағдайда оған лицей әкімшілігі жауап бермейді.
2.25. Сабақ аяқталмай оқушыларды лицейден шығаруға тиым салынады. Ауырған оқушыларды сабақтан босату – дәрігердің анықтамалық немесе директордың оқу ісі жөніндегі орынбасарының жазба рұқсатымен жіберіледі.
2.26. Оқушылар сабақтан кешіккен жағдайда оқу ісі жөніндегі орынбасардан сабаққа қатысу үшін рұқсат алып,сыныпқа кіруі тиіс.
2.27. Сабаққа келмеген оқушылардың ата - аналарына сынып жетекшілері сол мезгілде хабарласып, оқушылардың келмеу себептерін анықтайды.
2.28. Кешіккен немесе сабаққа келмеген оқушылар пән мұғалімі тарапынан. журналға, ал директор орынбасары тарапынан сабаққа қатысу дәптеріне жазылады.
2.30. Сабаққа келмеген оқушы лицей әкімшілігіне денсаулық анықтамасын немесе сабаққа келмеу себебін растайтын заңды құжат алып келуі тиіс. Алып келмеген жағдайда сабақтан себепсіз қалған болып саналады.
2.31. Оқушыларға оқу-тәрбие үдерісі кезінде, оның ішінде үзілісте лицей аумағынан кетуге тыйым салынады.
2.32. Себепсіз жиырма күннен артық сабақ қалдырған және бағдарламаны меңгермеген оқушыларға педагогикалық кеңестің шешімімен тәртіптік шара қолданылады.
2.33. Мұғалімдер,қызмекткерлер,оқушылар лицейде, лицейдің аумағында, 150м, радиуста лицейге жақын аумақта темекі шегуге қатаң тыйым салынады. Бұзушылар сөгіс жарияланады. Қайталанған жағдайда – лицейден шығарады.
3.34. Оқушыларды лицейден, жатақханадан шығару үшін негіз осы ішкі
тәртіптемесін қатаң бұзғаны және ата-аналардың (заңды өкілдер) қалауы
бойынша басқа мектепке ауыстырғанда немесе басқа оқыту нысанын таңдау
болып табылады.

6.9. Мемлекеттік жалпыға міндетті білім беру стандарттарының талаптарына сәйкес білім, білік, дағдылар мен құзыреттерді меңгеруге, ішкі тәртіп ережелерін сақтауға;

6.10. Өз денсаулығына қамқорлық жасауға, рухани және тән саулығын өздігінен жетілдіруге ұмтылуға;

6.11. Білім беру саласындағы уәкілетті орган белгілеген міндетті мектеп формасына қойылатын талаптарды сақтауға;

6.12. Педагог қызметкерлердің ар-намысы мен қадір-қасиетін, өзі білім алатын оқу орнының дәстүрлерін құрметтеуге;

6.13. Сыныптастарына, мұғалімдерге, қызметкерлерге және ата-аналарға әдепсіз сөздер айтпауға;

6.14. Сабаққа қатысы жоқ істермен айналыспауға, сабақ барысындағы зейінді бөлетін іс-әрекеттерге жол бермеуге;

6.15. Мұғалімнің рұқсатынсыз сабақтан кетпеуге, сабаққа кешікпеуге;

6.16. Сабаққа қажетті оқу құралдарын толық әрі уақытында алып келуге;

6.17. Техникалық құрал-жабдықтарды мұғалімнің немесе әкімшіліктің рұқсатынсыз қолданбауға;

6.18. Оқулықтар мен оқу құралдарын ұқыпты пайдалануға;

6.19. БТС кітапшаларын (тест парақтарын) және басқа да емтихан материалдарын тек белгіленген мақсатта пайдалануға;
БТС және емтихан кезінде тәртіп сақтауға, бөгет жасамауға, біреуден көмек сұрамауға, көшірмеуге, тыныштықты қамтамасыз етуге;

6.20. Білім беру бағдарламалары мен оқу жоспарында көзделген барлық тапсырма түрлерін белгіленген мерзімде орындауға;

6.21. Оқу, мінез-құлық мәдениеті мен этика нормаларын сақтауға, лицей оқушысына қойылатын киім және шаш үлгісі талаптарын орындауға (шашты түюге, бояуға, шамадан тыс өсіруге, көзге түсетін кекіл қоюға, «панки» стиліндегі шаш қиюға, бозбалалардың бұрым өсіруіне, шашты ашық түстерге бояуға, еліткіш пирсингтер мен басқа да әшекей бұйымдарды тағуға тыйым салынады), сондай-ақ жеке бас гигиенасын сақтауға;

6.22. Өзінің мәдени деңгейін жүйелі түрде арттыруға;

6.23. Лицей аумағына және ғимаратына зиянды заттарды (темекі, электронды темекі, насыбай, энергетикалық сусындар, спирттік ішімдіктер және басқа да тыйым салынған заттар) әкелмеуге және қолданбауға.

Кәмелетке толмаған білім алушылардың ата-аналары мен заңды өкілдері:

7.1. Баланың тілегі, жеке бейімділігі мен ерекшеліктерін ескере отырып, білім беру ұйымын таңдауға;

7.2. Ата-аналар комитеттері арқылы білім беру ұйымын басқару органдарының жұмысына қатысуға;

7.3. Білім беру ұйымдарынан өз баласының үлгерімі, мінез-құлқы және оқу жағдайлары туралы толық ақпарат алуға;

7.4. Балаларын оқыту және тәрбиелеу мәселелері бойынша психологиялық-медициналық-педагогикалық консультациялардан кеңес алуға;

7.5. Балаларына шарттық негізде қосымша ақылы білім беру қызметтерін алуға құқылы.


Ата-аналар мен өзге де заңды өкілдердің міндеттері


7.6. Балалардың өмірі мен оқуы үшін салауатты әрі қауіпсіз жағдайлар жасауға, олардың ой-өрісін, дене күшін дамытуға және өнегелі тұрғыдан қалыптасуын қамтамасыз етуге;

7.7. Мектептің жарғысында айқындалған қағидаларды орындауға;

7.8. Балалардың білім беру ұйымына сабаққа уақытылы және тұрақты баруын қамтамасыз етуге;

7.9. Білім беру ұйымы қызметкерлерінің ар-намысы мен қадір-қасиетін құрметтеуге;

7.10. Міндетті мектеп формасына қойылатын талаптардың орындалуын қамтамасыз етуге;

7.11. Ата-аналар жиналыстарына, сондай-ақ ата-аналарға арналған мәдени және қоғамдық іс-шараларға қатысуға;

7.12. Ата-аналар мен заңды өкілдердің лицей әкімшілігімен және қамқоршылық кеңеспен жасасқан шарттарының талаптарын орындауға;

7.13. Баласының ішкі тәртіп ережелерін бұзуы жағдайында тиісті шаралар қолдануға және келтірілген материалдық шығынды өтеуге;

7.14. Әр аптаның соңында сынып тәрбиешісімен байланысып, баласының оқу үлгерімі мен тәртібі туралы ақпарат алып отыруға;

7.15. Баласы қандай да бір себептермен сабаққа қатыса алмаған жағдайда бұл туралы лицей әкімшілігін алдын ала немесе дер кезінде хабардар етуге.
Сабақ уақытында оқушының жеке жағдайларға байланысты сұрануы қажет болғанда, ата-анасы оқу ісі жөніндегі орынбасардың жазбаша рұқсатымен баласын алып кетуге және кейін қайта алып келуге;

7.16. Сабақ уақытында баласын алаңдатпауға.

Мектеп-интернаттың білім алушылары төмендегі жағдайларда марапатталады:

8.1. Тоқсан немесе оқу жылының қорытындысы бойынша үздік үлгерім көрсеткен оқушылар;

8.2. Мектепішілік қоғамдық, мәдени және тәрбиелік іс-шараларға белсене қатысқан оқушылар;

8.3. БТС немесе ҰБТ сынақтарында жоғары нәтижелер көрсеткен оқушылар;

8.4. Қалалық, облыстық, республикалық немесе халықаралық білім, өнер және спорт сайыстарының жүлдегерлері;

8.5. Үлгілі тәртібімен, жауапкершілігімен және белсенді азаматтық ұстанымымен көзге түскен оқушылар.

Оқушыларға төмендегі жағдайларда тәртіптік шаралар қолданылады:

9.1. Лицей Жарғысына және ішкі тәртіп ережелеріне қайшы әрекеттер жасаған жағдайда;

9.2. Сабаққа себепсіз келмегенде немесе сабаққа кешіккенде;

9.3. Міндетті мектеп формасын кимегенде, жеке бас гигиенасы мен белгіленген шаш үлгісі талаптарын сақтамаған жағдайда
(шашты шектен тыс өсіру, тырнақ алмау және т.б.);

9.4. Лицей аумағына тыйым салынған заттарды
(темекі, электронды темекі, насыбай, энергетикалық сусындар, спирттік ішімдіктер және т.б.) алып келгенде немесе қолданғанда;

9.5. Сабақ кезінде немесе сабақтан тыс уақытта лицей аумағынан рұқсатсыз шыққанда;

9.6. Лицейдің бекітілген күн тәртібін бұзғанда;

9.7. Мұғалімнің сабақ өтуіне кедергі келтірген жағдайда;

9.8. Лицей мұғалімдеріне, тәрбиешілеріне немесе басқа қызметкерлерге дөрекі сөйлеп, оларды құрметтемей, ар-намысы мен беделіне нұқсан келтіретін әрекеттер жасағанда;

9.9. Өзге біреудің затын рұқсатсыз пайдаланғанда немесе ұрлаған жағдайда;

9.10. Лицей мүлкіне зиян келтіргенде;

9.11. Өз денсаулығына зиян келтіретін заттарды
(дәрі-дәрмектерді мөлшерден тыс қолдану, темекі, алкоголь, есірткі заттар және т.б.) пайдаланғанда немесе лицейге алып келгенде;

9.12. Нәсілшілдікке, ұлтшылдыққа, діни экстремизмге, қоғамға қарсы қоқан-лоққы әрекеттерге бағытталған немесе халықаралық адам құқықтары нормаларына қайшы идеяларды таратқанда;

9.13. Зорлық-зомбылықты, саяси көзқарастарды, діни наным-сенімдерді немесе әдепсіз әрекеттерді насихаттайтын басылымдар мен бейнематериалдарды алып келгенде немесе таратқанда;

9.14. Ұялы телефондар, смартфондар және басқа да электронды құрылғыларға қатысты ішкі тәртіп ережелері бұзылған жағдайда, аталған құрылғылар уақытша алынады және төмендегідей тәртіппен қайтарылады:

1. бірінші рет — апта соңында;
2. екінші рет — 30 күннен кейін;
3. үшінші рет — ата-анасының жазбаша өтініші негізінде тоқсан соңында;
4. төртінші рет — оқу жылы аяқталғаннан кейін.

9.15. Жоғарыда көрсетілген тәртіп бұзушылықтар педагогикалық кеңесте немесе тәртіп кеңесінде қаралып, төмендегі тәртіптік шаралардың бірі қолданылады:

1. ескерту жасау;
2. жатақханадан шығару;
3. лицейден шығару.

10.1. «Білім-Инновация» лицейлері интернаттық мекеме болып табылады. Жатақхананың сыйымдылығына сәйкес оқушылар мүмкіндігінше жатақханада жатып оқумен қамтылады.

10.2. Жатақханада қалудан бас тартқан оқушылар өз үйлерінен қатынап оқиды. Оқушының күнделікті келіп-кетуі мен демалыс күндері үйіне баруына байланысты жауапкершілік ата-ананың мойнына жүктеледі.

10.3. Жатақханадағы орындар басымдық тәртібімен беріледі:
басқа өңірлерден келген оқушыларға, халықаралық және республикалық олимпиада жүлдегерлеріне, оқу озаттары мен тәртібі үлгілі оқушыларға.
Жатақханаға қатысты өзгерістер оқу жылы ішінде арнайы комиссия шешімімен жүзеге асырылады.

10.4. Жатақханада тұратын оқушылар лицей-интернат әкімшілігі бекіткен күн тәртібін сақтауға міндетті.

10.5. Жатақхана есігі таңғы сағат 08:00-де жабылып, 15:50-де ашылады. Осы уақыт аралығында оқушылар жатақханаға тек жатақхана меңгерушісінің рұқсатымен кіріп-шыға алады.

10.6. Сабақтан тыс уақытта жатақханада тұратын оқушылардың өмірі мен қауіпсіздігіне тәрбиеші мен жатақхана меңгерушісі жауапты.
Лицей ауласынан тыс шығу үшін (ата-анасымен немесе туыстарымен бірге болса да) міндетті түрде рұқсат қағазы талап етіледі.

10.7. Оқушылар бөлмелерінің тазалығын сақтауға және кезекшілік кестесіне сәйкес міндеттерін орындауға тиіс.

10.8. Таңертең жатақхана жабылғаннан кейін рұқсатсыз жатақханада қалуға тыйым салынады. Денсаулығына байланысты сабаққа қатыса алмаған оқушы медициналық пунктте бақылаудан өтуі тиіс.

10.9. Жатақхана күн тәртібін бірнеше рет бұзу, рұқсатсыз ауладан шығу немесе себепсіз қонбау тәртіп кеңесінде қаралады.

10.10. Жатақханаға төмендегі заттарды алып келуге тыйым салынады:
10.11. Газдалған сусындар, фастфуд өнімдері және сырттан алынған тағамдар;
10.12. Бағалы заттар мен көп мөлшердегі ақша (жоғалған жағдайда лицей әкімшілігі жауапкершілік алмайды).

10.13. Оқушылар кешкі өзіндік дайындық сабақтарына уақытылы қатысуы тиіс. Кезекші мұғалім қатысуды тіркейді.

10.14. Душ, әжетхана, теледидар және үтік бөлмелерін белгіленген ережелерге сәйкес пайдалануға міндетті.

10.15. Жатақхана мүлкіне келтірілген залал оқушы тарапынан өтеледі.

10.16. Кешкі дайындықтан кейін оқу корпусы сағат 22:00-де босатылады.

10.17. Жатақханаға діни ағымдардың басылымдарын әкелуге және үгіт-насихат жүргізуге тыйым салынады.

10.18. Жатақханадағы тәртіп бұзушылықтар кезекшілік журналында тіркеледі.

11.1. Ішкі тәртіп ережесінің мәтіні көрнекі жерде орналастырылады.

11.2. Ішкі тәртіп ережесіне өзгерістер мен толықтырулар белгіленген тәртіпке сәйкес енгізіледі.

11.3. Ішкі тәртіп ережелерімен және оған енгізілген өзгерістермен қызметкерлер қол қойдыру арқылы таныстырылады.